numèro 95 • estiu de 2008 • 5 €
Pour une Occitanie fédérale et démocratique
LO LUGARN-LOU LUGAR
Tribuna per l'Occitània liura • Partit de la Nacion Occitana
N° ISSN: 0399 – 192 x
Quel avenir pour les langues de France ?
EDITORIAL
Quin avenidor per las lengas de França ?
Lo 22 de mai passat, a
la suspresa generala, l’Assemblada Nacionala francesa votèt practicament a
l’unanimitat un emendament al projècte de lei sus la reforma de las
institucions. Aquel emendament modifica non pas l’article 2 de la Constitucion
que ditz : « L’emblèma nacional es lo drapèu tricolòr blau blanc
roge. L’imne nacional es la Marselhesa. La devisa de la Republica es Libertat,
Egalitat, Fraternitat. Son principi es : govèrn del pòble pel pòble e pel
benefici del pòble. La lenga de la Republica es lo francés » Mas l’article
1 : « França es una Republica indivisibla, laïca, democratica e
sociala. Assegura l’egalitat davant la lei de totes los ciutadans sens
distincion d’origina, de raça o de religion. Respècta totas las cresenças. Son
organizacion es descentralizada. » A aquel article, l’emendament ajusta la
frasa seguenta « Las lengas regionalas
apartenon a son patrimòni». Pasmens cal temperar l’estrambòrd d’unes dins
lo movement occitan e los autres movements etnics. Fa encara mestièr que la lei
reformant las institucions que compòrta aquel emendament siá adoptada pel Senat
e pel Congrès acampat en julhet que ven, çò que necessitarà un vòte favorable
pels 3/5 dels deputats e dels senators. Lo Partit Socialista profitant de
l’escasença per metre en dificultat lo govèrn entreten lo dobte sus son vòte.
La suspresa ven del fach que la màger part dels aparaires de las lengas de
França militavan puslèu per la modificacion de l’article 2 al qual soetavan
ajustar una formula dins l’estil : « dins lo respècte de las
lengas regionalas». Fin finala se poiriá que la modificacion de l’article 1 siá
una vertadièra avançada perque atenua la rigiditat de la clausa: « La
Republica es una e indivisibla. » Mas seriá una avançada de las grandas ?
Tot dependriá de la manièra que los govèrns interpretarián lo mot patrimòni,
d’un biais palficat o dinamic, et de la portada del projècte de lei sus las
lengas dichas « regionalas » anonciat pel govèrn actual que sa
tòca deu èstre de donar un estatut legal a aquelas lengas. Una causa sembla
cèrta: la Carta europèa de las lengas regionalas e minoritàrias serà pas
ratificada, non pas per paur de la fulminacion del Conselh Constitucional mas
jol pretèxt ociós que aquela ratificacion obligariá los foncionaris franceses a
parlar 75 lengas ! Es tot simplament grotesc perque la Carta demanda un
minim d’engatjaments de sos signataris. Doncas, tota la Carta es pas de prene o
de daissar en totalitat. Coma que siá, lo debat a l’Assemblada confirmèt çò que
sabiam : la trencadura entre jacobins e anti-jacobins subrepassa los
partits politics e la partison drecha-esquèrra. Qué ne pensa l’opinion ?
Lo jornal Le Figaro que, es lo mens que se pòt dire, es pas en punta sul
subjècte de la diversitat lingüistica en França foguèt un dels primièrs a
organizar sus son sit Web un sondatge que pausava la question seguenta : « L’Assemblada
Nacionala adoptèt, a la quasi-unanimitat, un emendament suspresa al projècte de
lei sus la reforma de las institucions aguent per objectiu d’inscriure la
reconeissença de las lengas regionalas dins la Constitucion. Aprovatz aquel
emendament ? » I aguèt 10936 votants e lo òc obtenguèt 52,73 del cent
mentre que lo non obtenguèt 47,26 del cent. Emai calguèsse prene aquel sondatge
cauta cauta, es pr’aquò revelador de l’estat de l’opinion. Es dispausada a anar
plan mai luènh ? O veirem amb la mobilizacion a l’escasença de la propdana
manifestacion unitària per la lenga occitana en 2009.
Quin es l’avenidor de las lengas de
França ? Tant que demorarem dins lo quadre estatal francés actual, aquel
avenidor demorarà problematic. Se la reconeissença oficiala de nòstras lengas
s’acompanha pas de la seguida de la descentralizacion per reequilibratge dels
poders al profièch de las regions en s’inspirar dels modèls d’Espanha,
d’Itàlia, d’Alemanha e de Granda Bretanha per anar cap a l’autonomia, aquelas
lengas son condemnadas a tèrme. Vaquí perque pertòca a totes los promotors de
las lengas de França de metre pas de barradissa estanca entre çò cultural e çò
politic e de gausar se presentar a las eleccions en aligança o de manièra
independenta, que siá jos l’etiqueta regionalista o autonomista, precisament
per prepausar a nòstres pòbles d’anar mai luènh que las micas concedidas per
l’Estat francés sul plan cultural. De voses, isoladas pel moment, a drecha coma
a esquèrra demandan l’enebiment dels partits « religioses, etnics e autonomistas ».
Siam vigilants mas sens per aitant s’enfonzar dins la paranoia. Joguem sul
respècte de la democracia per la classa politica. Dins dos ans se debanaràn las
eleccions regionalas que venon, las mai importantas per nosautres. Es bravament
ora de las preparar.
Joan-Pèire Alari, Agen, 1èr de junh de 2008
Quente avenidou per li lengo de Franço ?
Lou 22 de Mai passa, a la suspresso generalo, l’Assemblado Naciounalo franceso voutè praticamen a l’unanimitat un amendamen au proujet de lei sus la reformo dis institucioun.
Aquel amendamen moudifico noun pas l’article 2 de la counstitucioun que dís : « la bandièiro naciounalo es lou drapèu tricoulore blau, blanc rouge. L’inne naciounau es la Marsiheso. La deviso de la Republico es Libertat, Egalitat, Fraternitat. Soun principe es : gouvernamen dóu pople pèr lou pople e au benefice dóu pople. La lengo de la Republico es lou francès » Moudifico l’article 1 : « Franço es uno Republico indivisiblo, laïco, demoucratico e soucialo. Asseguro l’egalitat davans la lèi de touti li ciutadan sens distincioun d’ourigino, de raço vo de religioun. Respèto tóuti li cresenço. Soun ourganisacioun es decentralisado ». En aquel article l’amendamen apound la fraso seguento : « Li lengo regiounalo apartènon a soun patrimoni ». Pamens fau tempera l’estrambord d’uni dins lou mouvemen oucitan e dins lis autri mouvemen etnic. Fau encaro que la lei refourmant lis institucioun que caup aquel amendamen siègue adoutado pèr lou Senat e pèr lou Coungrès que s'acampara en Juliet que ven, ço que necessitarié un vote favourable di 3/5 di deputat e di senatour. Lou Parti Soucialisto aproufechant de l’escasenço pèr metre en dificultat lou gouvernamen entreten lou doute sus soun vote. La suspreso ven dóu fa que lis aparaire di lengo de Franço en majourita militavon pulèu pèr la moudificacioun de l’Article 2 ounte souvetavon d’apoundre uno fourmulo dins l’estile : « dins lou respet di lengo regiounalo ». Fin finalo se pourié que la moudificacioun de l’Article 1 siègue uno vertadièro avançado perqué demenesís la rigiditat de la clauso : « La Republico es uno e indivisiblo ». Mai es-ti que sario uno avançado di grando ? Tout dependrio dóu biais que li gouvernamen interpretarion lou mot patrimoni, d’un biais palafica vo d’un biais dinamic e de la pourtado de la lèi sus li lengo dicho « regiounalo » anouncia pèr lou gouvernamen d’aro que sa toco dèu estre de douna un estatut legau a-n-aqueli lengo. Uno causo semblo seguro : la Carto Euroupenco di Lengo Regiounalo sera pas ratificado, noun pas pèr pòu de l’oupousicioun dóu Counsèu Counstituciounau mai souto lou preteste oucious qu’aquelo ratificacioun oubligarié li founciounari francès a parla 75 lengo ! Es tout simplamen ridicule perque la Carto demando un minimoun d’engajamen de si signatari. La Carta es pas de prène en toutalita vo de laissa. Coumo que siègue lou debat a l’Assemblado Naciounalo counfimè ço que sabian : la trencaduro entre jacoubin e anti-jacoubin subrepasso li partit poulitic e la particioun drecho-seneco. Dequé n’en penso l’oupinioun ? Lou journau Le Figaro que, lou mens que se pòu dire, es pas flamo sus lou sujet de la diversitat lenguistico en Franço, fuguè un dei premié a ourganisa sus soun site Web un soundage que pausavo la questioun seguento : « L’Assemblado Naciounalo adoutè, a la quàsi unamimitat, un amendamen suspreso au proujet de lei sus la reformo dis institucioun aguent per toco la recouneissenço di lengo regiounalo dins la counstitucioun. « Aprouvas aquel amendamen ? » I aguè 10 936 voutant, 52,73 dóu cent voutèroun de Oc, 47,26 vouteroun de noun. Emai fauguesse prène aqueu soundage cauto cauto, es proun revelatour de l’estat de l’oupinioun. Es-ti qu’es dispausado d’ana mai luen ? Lou veiren amé la moubilisacioun a l’escasenço de la manifestacioun unitari venento pèr la lengo oucitano en 2009.
De qu’es l’avenidou di lengo de Franço ? Tant que demouraren dins lou cadre estatal francès d’aro, aquel avenidou demourara proublematic.. Se la recouneissenço de nosti lengo s’acoumpanho pas de la seguido de la decentralisacioun pèr re-equilibage di pouder au proufié di regioun en s’inspirant di moudele d’Espanho, d’Italié, d’Alemanho vo de Grando Bretanho pèr ana vers l’autounoumié, aqueli lengo soun coundannado a terme. Vaquí perdeque fai mestier a touti li proumoutour di lengo regiounalo de Franço de metre pas de barradisso entre ço culturau e ço poulitic e de gausa de se presenta is eleicioun en aliganço vo de maniero independento que siègue souto l’etiqueto regiounalisto vo autounoumisto, precisamen pèr prepausa a nosti pople d’ana mai luen que li brigueto councedido pèr l’Estat francès sus lou plan culturau. De vouès, isoulado pèr lou moument, a drecho coumo a seneco demandoun l’enebicioun di partit « religious, etnic e autounoumisto »
Demouran vigilant sens pèr tant s'enfanga dins la paranouia. Jouguen sus lou respet de la demoucracié di partit poulitic.. Dins dous an se debanaran lis eleicioun regiounalo, li mai impourtanto pèr nousautri. Es bravomen ouro de li prepara.
Jan Peire Alari, Agen 1° de Jun de 2008
Quel avenir pour les langues de France ?
Le 22 mai dernier, à la surprise générale, l’Assemblée
Nationale française a voté pratiquement à l’unanimité un amendement au projet
de loi sur la réforme des institutions. Cet amendement modifie non pas
l'article 2 de la Constitution qui dit « L'emblème national est le
drapeau tricolore, bleu, blanc, rouge. L'hymne national est la Marseillaise. La
devise de la République est Liberté, Égalité, Fraternité. Son principe
est : gouvernement du peuple, par le peuple et pour le peuple. La
langue de la République est le français » mais l’article 1 : «La
France est une République indivisible, laïque, démocratique et sociale. Elle
assure l'égalité devant la loi de tous les citoyens sans distinction d'origine,
de race ou de religion. Elle respecte toutes les croyances. Son
organisation est décentralisée. » A cet article, l’amendement ajoute la
phrase suivante : «
Les langues régionales appartiennent à son patrimoine ». Il
convient toutefois de tempérer l’enthousiasme de certains dans le mouvement
occitan et les autres mouvements ethniques. Il faudra encore que la loi
réformant les institutions comportant cet amendement soit adoptée par le Sénat
et par le Congrès réuni en juillet prochain, ce qui nécessitera un vote
favorable par les 3/5 des députés et des sénateurs. Le Parti Socialiste
saisissant l’occasion de mettre en difficulté le gouvernement laisse planer le
doute sur son vote. La surprise provient du fait que la plupart des défenseurs
des langues de France militaient plutôt pour la modification de l’article 2
auquel ils souhaitaient voir ajouté une formule du style : « dans le
respect des langues régionales ». Il se pourrait que finalement la
modification de l’article 1 soit une réelle avancée parce qu’elle atténue la
rigidité de la clause : « La République est une et
indivisible. » Mais serait-ce une avancée importante ? Tout
dépendrait de la manière dont les gouvernements interpréteraientt le mot
patrimoine, de manière figée ou dynamique et de la portée du projet de loi sur
les langues dites « régionales » annoncé par le gouvernement
actuel dont l’objet doit être de donner un statut légal à ces langues. Une
chose paraît acquise : la Charte européenne des langues régionales et
minoritaires ne sera pas ratifiée, non pas par peur des foudres du Conseil
constitutionnel mais sous le prétexte oiseux que cette ratification obligerait
les fonctionnaires français à parler 75 langues ! C’est tout simplement
grotesque car la Charte demande un minimum d’engagements de la part des signataires.
La Charte n'est donc pas à prendre en totalité où à laisser. En tout cas, le
débat à l’Assemblée a confirmé ce que nous savions : le clivage entre
jacobins et anti-jacobins transcende les partis politiques et la division
droite-gauche. Qu’en pense l’opinion ? Le journal le Figaro
qui, c’est le moins qu’on puisse dire, n’est pas en pointe sur le sujet de la
diversité linguistique en France a été un des premiers à organiser sur son site
Web un sondage qui posait la question suivante : « L'Assemblée nationale
a adopté, à la quasi-unanimité, un amendement surprise au projet de loi sur la
réforme des institutions visant à inscrire la reconnaissance des langues
régionales dans la Constitution. Approuvez-vous cet amendement ? »
Il y a eu 10936 votants et le oui a obtenu 52,73% tandis que le non
a obtenu 47,26%. Même s’il faut prendre ce sondage avec précaution, il est
néanmoins révélateur de l’état de l’opinion. Est-elle prête à aller beaucoup
plus loin ? Nous le verrons avec la mobilisation à l’occasion de la
prochaine manifestation unitaire pour la langue occitane en 2009.
Quel est l’avenir
des langues de France ? Tant que nous resterons dans le
cadre étatique français actuel, cet avenir restera problématique. Si la
reconnaissance officielle de nos langues ne s’accompagne pas de la poursuite de
la décentralisation par rééquilibrage des pouvoirs au profit des régions en
s’inspirant des modèles de l’Espagne de l’Italie, de l’Allemagne et de la
Grande Bretagne pour aller vers l’autonomie, ces langues sont condamnées à
terme. Voilà pourquoi il incombe à tous les promoteurs des langues de France de
ne pas dresser de barrière étanche entre le culturel et le politique et d’oser
se présenter aux élections en établissant des alliances ou de manière
indépendante, que ce soit sous l’étiquette régionaliste ou autonomiste,
précisément pour proposer à nos peuples d’aller plus loin que les miettes que
nous accorde l’Etat français sur le plan culturel. Des voix, isolées pour
l’instant, à droite comme à gauche demandent l’interdiction des partis
« religieux, ethniques et autonomistes ». Soyons vigilants mais sans
sombrer pour autant dans la paranoïa. Parions sur le respect de la démocratie
par la classe politique. Dans deux ans auront lieu les prochaines
élections régionales, les plus importantes pour nous. Il est
grand temps de les préparer.
Jean-Pierre
Hilaire, Agen le 1er juin 2008
Abonnez-vous !
Abonnement
1 an • 4 numéros
Nom : ___________________________________________
Adresse : ________________________________________
_________________________________________________
Je m’abonne à partir du n° , au tarif :
o normal 20 €
o réduit (chômeurs, étudiants, apprentis...) 10 €
o couplé avec adhésion au P.N.O 40 €
o de soutien 30 €
o diffuseur (envoi multiple) ou suppléments (par avion ou pli fermé) :-nous consulter.
Anciens numéros disponibles - nous consulter.
Bon à renvoyer à : LO LUGARN
* ecd Gèli Grande,
34 avenue des Pyrénées 47390 Layrac
Accompagné d’un chèque à l’ordre de Lo Lugarn